轉～校園愛情小說

轉～校園愛情小說


人物: 彤 - 中三甲班的班花, 熱愛排球&畫畫, 動靜佳宜, 不少追求者
強 - 中一甲班, 彤的弟弟
華 - 彤暗戀的男子, 英俊但脾氣臭, 黑社會
敏 - 不太美麗的女孩子, 彤的好朋友
文 - 暗戀彤的男子, 心地好

第一章 = 尷尬的開學日


"家姐, 起身啦!" 強好大聲咁衝左入彤間房, 係咁搖醒佢

"係喎, 今日開學呀可, 細佬幫我整早餐呀快快快~ 唔該" 彤好衝忙咁講, 之後拎左套校服去廁所換衫

"搞錯.. 仲話自己係中三.. 我屁" 強好無奈咁講-.- 不過都要整早餐嫁啦

"喂, 你兩隻野再唔出門口遲到嫁啦" 阿媽把聲真係好煩好嘈呀, help!!

"得啦, 細佬行得未? 我唔食早餐啦" 彤一路梳頭一路問強

"咦, 搞錯呀~ 整左又唔食.. 行得啦" 強好嬲咁講

"中一啦強仔.. 加油~有咩唔識問家姐呀! 我一定睇住你既~ 哈~" 彤笑住咁講

"家姐你間學校多唔多令女架?" 強流晒口水咁問

彤打左強個頭一下, "作死你呀, 學校都未到就諗呢d野"

**

話咁快就行到番學校, 強第一個感覺係 "嘩~ 好舊喎你間學校"

哈哈, 冇錯~ 呢間學校真係舊到.. 唉~ 唔提啦

"我帶你入班房先啦.." 彤同強講

"嘩~ 咁多豬扒架-.-" 強好失望啦咁講

"唔係呀, 今年d中一幾cute喎! 睇下果個女仔, 好似小丸小呀! 哈" 彤笑著講

"嘩~ 家姐~ 果條女好索呀!" 強拍我膊頭叫我望過去

"哈哈, 掛住睇女, 傻既" 彤笑著咁講

"咦~ 果到有個男仔望住你啵, 嘩你一定好有吸引力啦!!" 強同彤講

"邊到?" 彤半信半疑咁問強, "咪果到囉," 強指住樓梯口

"果個男仔..咦?咁熟口面既.. 好似邊到見過咁啵" 彤講

"好似係阿文呀, 小學同學?? 以前成日請我飲野果個高佬文呀!!" 強好興奮咁講

"係? 睇真d..? 陪我去睇下啦" 彤拉著強

** 樓梯口 **

"嘩-.- 好似真係啵" 彤講

呢個時候文望住彤.. 個眼神好有親切感.. 好似識左好耐咁

"關海彤!" 文好大聲咁叫, 之後走過黎

"陸偉文?" 彤好懷疑咁問

"傻婆, 好耐冇見啦~ 唔記得我啦梗係.. 咦你細佬喎! 記得我嗎強仔?" 文問強

"哈哈~ 記得~ 汽水哥哥嘛~ XD" 強笑著講

"喂.. 文.. 聽講你唔係去左加拿大咩~ 哈~ 咁都見番你~" 彤問文

"係丫, 不過呢排番左香港讀書之嘛~" 文笑著講

"估唔到讀埋同一間-.- 嘩真係有緣啦你地" 強陰陰嘴咁笑著講

"你...上你個堂啦中一仔=0=" 彤拍左強個頭一下

"喂, 你中幾呀?" 文問彤

"三甲囉, 慘呀" 彤講

"我都係呀! 哈哈! yeh! 同一班, 喂今日放學去飲野傾計丫~ 咁耐冇見" 文講

"唔得呀" 彤拒絕

"點解呀? 咁快有男朋友約呀??" 文好失望

"點止放學呀.. lunch都要一齊出去食呀XD" 彤笑著講

"車~ 梗係得啦~ 嚇得我=0=" 文無奈咁講

"夠鐘啦.. 行喇~~" 彤講

**三甲班門外**

女同學A "聽講今年黎左2個令仔啵"
女同學B "係咩~ 得閒識下佢先XD"

"喂, 肯定講緊你啦~ 令仔" 彤笑阿文

"痴線-.- 坐邊呀?" 文問彤

"唔.. 你唔熟我地學校~ 同我一齊坐啦.." 彤好心咁講

係呢個時候, 成班女仔企晒係門口..

"嘩咁多女仔係門口既.. 做咩事?" 我問文

"你唔去睇下?" 文問我

"做咩要去?" 我答文

"同以前性格一樣咁COOL.. 無奈囉~你唔去我去" 文行去門口到

"車~ 原來有d男仔係到打排球" 文講

"打排球?! 我去睇~" 彤好興趣咁講

當彤行出班房門口果一刻......

"哎呀!!" 彤大嗌, 跌左落地

"咩事呀? 嘩你做咩呀" 文問彤

"我......XYZ!&*()*)($ 好痛呀~ 邊個用排球打我個肚呀?" 彤好大聲咁講

冇人出聲.. 個個望住彤-.- 文拉彤起身

"係我, 咁又點?" 所有人既目光向晒果班聲到

一個幾令仔既男仔, 好高大.. 好型

"喂, 搞咩呀你, 對唔住呢?" 彤好惡咁問佢

"估唔到一個咁令既女仔原來咁賤架把口" 佢講

"你打到我仲唔講SORRY?" 彤好惡咁講

"嘩.. 你流血啵... M黎架XD?" 佢問

"邊到呀亂UP" 彤好惡咁講

"果到囉-.-" 佢指住我條裙

"嘩=0= 彤彤你M到?" 文問我

望下條裙.. 咦-.-?? 有血既-.-?? 死啦唔係咁玩野呀嘛? 彤唔理咁多即刻入廁所

"天啊~" 彤大叫

"拎去啦, 借比你架" 一個個樣唔係好令但把聲好甜既女仔笑著同彤講

"多謝你呀, 救命恩人! 你讀邊班架? 我還番比你丫!" 彤問佢

"3乙啊!" 之後佢就走左LU

彤: 死啦.. 尷尬死喇..第一日搞D咁既野.. 點見人... 好尷尬呀~!! 最衰都係果個靚仔... 哼!
記住睇落去呀！！！

第二章 = 校園清潔

"唉.. 死就死啦.. 行出去啦.. 好驚呀.. 換左裙~ 冇事既=0=" 彤安慰自己

當佢一行入3甲班房.. 有一把男聲即刻大叫.. " M怪呀"

全班即刻望住彤... 彤亦停止左腳步.. 望住果個男仔.. 原來係頭先個男仔......

"哈哈哈哈!" 全班一齊笑

果一刻我真係好想喊囉唔該....

"喂, 做咩咁嘈呀? 呢個女仔唔該番埋位!" 有班好尖既女人聲係我後面講野

好大既殺氣呀... 唔通佢係新校長?

"彤, 冇野ma~?" 文好溫柔咁問我


"冇就呃你" 我好惡咁講, 心情唔好呀

"咳, 安靜, 我係你地今年個班主任, 今年係我第十四年教中學, 我叫mrs.周" 個女人把聲好鬼死尖

"good morning mrs chow" 成班起立致禮

"咳, 頭先我一入到班房, 聽到有位男同學講左d唔應該要講既野, 邊個黎架?" mrs.周問

"咪佢囉!" 彤指住個令仔

"喂, 關我咩事呀? 八婆!" 佢鬧彤

"喂, 你話我八婆? 頭先打到我又唔講sorry, 而家仲惡人先告狀!" 彤好大聲咁講

"安靜! 你兩個小息黎搵我!" mrs.周講\

"賤格! 令仔冇良心!" 我同文講

**mrs.周講野真係無聊.. 講佢自己d教書經驗都講左兩堂.. 呵欠.. 睡著了!**

**小息**

"八婆, 最衰都係你, 搞到我冇得打排球" 令仔講

"關我咩事? 唔係你打我我點會告你呀" 彤真係好嬲

"家姐~~~~" 強跑緊過黎

"細佬~ 做咩呀?" 彤摸住強個頭

"咦, 你細佬呀? 幾得意啵~ 叫咩名呀?" 令仔問我細佬

"關你咩事呀?" 我唔比佢同我細佬講野

"細路仔, 我叫華呀~" 令仔講.. (原來佢叫華=p)

"唔好同d衰人講野, 係呢搵我咩事?" 彤同強講

"文哥哥話擔心你呀.." 強講

"你男朋友?" 華問彤

"係呀~ 關你咩事呀? 咁又點~?" 彤串華-.-

"你咁既樣都有人追? 呸....." 華奸笑咁講

"真係口賤" 彤同華講, "細佬你幫我同文講陣間見啦" 彤同強講

**呢個時候, mrs周黎左啦**

"你兩個叫咩名?" mrs.周問

"關海彤" 彤話

"曾慶華" 華講

"好娘喎曾生你個名" 彤奸笑講-.-

"咳, 你地兩個之間有咩事我唔想理, 但我想知道點解有人會叫你m怪" mrs.周同彤講

彤將成件事解釋晒比mrs.周聽...

"咁啦, 曾慶華, 係你唔岩先, 就罰你做校園清潔一星期啦" mrs.周講

"抵死丫!! 自己拎黎!!" 彤笑華

"關海彤, 你笑人都唔岩架.. 就罰你做兩日清潔啦" mrs.周同彤講

"哈.. 抵死啦你.. 恭喜啵" 華笑番我彤
"做咪做.." 我講

"夠鐘番去上堂啦, lunch你地黎搵我我比野你地做" mrs.周講

唉~ lunch又冇得同文食啦~ sorry呀!

睇落去呀！！！

第三章 = 意外



番到班房~

"sorry呀文, 我比人罰呀.. 唔陪得你食飯~" 彤同文講

"哦, ok啦~ 下次丫~" 文笑著同彤講

彤: 文佢真係對我好好...... 可惜佢唔係我隻type~

*lunchtime is over*

"喂, 八婆, 夠鐘啦行啦" 華同彤講.

"唔該你改下你d態度呀.. 好討厭囉.. 好憎你呀" 彤忍唔住同佢講

"唔改, 吹呀?" 華特登激佢

*mrs.周's office*

"mrs周.. 我地要做咩呀" 彤問mrs.周

"操場好多垃圾.. 去掃下啦!" mrs周講

"慘啦今次比你累死.." 彤拎去掃巴.. 同華一齊行去操場

"抵死呀" 華笑彤咁講

"唔講啦.. 掃啦...." 彤好灰心咁講

* 5分鐘後*

"好悶呀, 搵d野黎講啦~" 華同彤講

"有咩好講" 彤好cool呀

"好cool喎.. 有性格! i like it!" 華回應彤

"咪玩啦.. 好笑咩.." 彤答華

"喂, 你細佬幾cute丫~" 華把聲好正呀=0="""""" (發姣中哈哈~)

"嗯~ 多謝~ 你都唔差丫~ 咁多女仔追你~" 我同華講

"唔係架.... 我都唔like佢地~ 你鍾意打排球ma?" 華問彤

"鍾意 勁鍾意呀" 我好興趣咁講

"喂! 不如而家玩下丫~ 反正mrs周咁忙~ 佢點知~?" 華問彤

"得唔得架.. 唔想再比你累啵" 彤問佢

"放心啦, 喂~果到有個波呀~ 去執啦" 華叫彤去執波

"唔執" 彤唔肯去

"麻鬼煩!" 華走去執..

彤: 佢都幾得意丫.. 哈哈

"喂~ 我黎啦~ 準備接" 華去左對面線果到, 準備開波

"黎啦" 我大叫 (好多人望住呀@@"

* 15分鐘後 *

"家姐" 強跑過黎彤到

"係係? 我打緊波呀~ 遲d傾丫" 彤同強講

彤分左心, 接唔到華個波.. 個排球打左落彤隻眼到.. 彤即刻跌低..

"家姐!" 強即刻大叫

"死得....." 華自己同自己講

彤隻左眼流緊好多血... 死喇... 彤最驚就係血

"呀!" 彤簡直癲左咁.. "血呀!" 佢好驚

"唔洗驚, 冇野架......" 華即刻跑過去抱住彤....

彤好驚... 強跑去搵老師... 點知10分鐘後, 彤隻眼仲流緊血...

"送佢入醫院, call 999~" 某老師講

5分鐘之後救護車就到左喇..

"去邊呀? 好驚呀.. 我細佬有冇事呀? 我睇唔到野既!!? 紅色既??" 彤好驚, 失晒控

"唔洗驚, sorry呀~ 係我整到你咁, 我陪你去醫院" 華捉住彤隻手..

"好驚呀.. 唔好走" 彤真係好驚

彤隻眼仲流緊血..去到醫院, 醫生話佢個眼結膜損左, 要留醫兩日..

"sorry呀..." 華好內疚..

"我都話左唔打嫁啦, 比你累死啦, 我細佬呀佢點呀?" 彤好心急咁問.. 佢隻眼包住左紗布

"佢冇事.." 華講

"你話死唔死.. 唉.. 識到你真係慘.. 邊個做你女朋友就死得啦" 彤果一刻真係好嬲華

"你有事我養你囉" 華講

彤果一刻忽然好sweet... 仲好大心跳添

"=.=講下ja~" 彤扮晒冇野咁..

"講真架.. 我陪你啦" 華講

"番學啦你.." 我逼華走...

"唔呀.. 唔番呀.." 華講

"第一日返學.. 唔好咁啦" 彤同華講

"咁你而家咁... 你屋企人呢?" 華問

"唔知呀.. 番學啦.. 可唔可以幫我一個忙..?" 彤問華

"嗯" 華講

"睇住我細佬呀, 佢中一咋" 彤同華講

"冇問題, 我放學黎睇你丫~ 小心d~ bye" 華講

彤個心好warm呀.. 佢覺得自己對華有好感... 雖然華把口係衰d... 但都有溫柔既一面呀!

冇耐.. 彤就訓著左lu~

第四章 = 互相了解

終於到出左院, 離開左個地獄..

"睇下強仔點先, 佢係邊話?" 彤問華

"佢咪係我屋企囉" 華幫彤拎住d行李

"我想睇下佢丫~" 彤要求去華屋企

"下... 唔好掛... 返學咪得囉...." 華把聲轉了, 變得低沉

"哦.. 是但啦咁~ 咁我地而家去邊? 拎住咁多野.." 彤問華

"唔..我想放低你d野係你屋企先好嘛?" 華好溫柔咁問彤

"....即係去我屋企? 我驚我阿爸係到喎..." 彤有d唔好意思咁講

"怕咩姐... 我又唔係你邊個~fd之嘛~放底少少野都唔得?" 華好理氣直壯咁講

"哦, 咁行啦~" 彤好無奈咁比華屈服左

一路上, 彤同華都有傾計, 不過彤睇得出華個心入面有d野..

"你冇野ma~?" 彤好溫柔咁問華

"冇...咦喂~ 你個fd喎" 華指住前方

"咦...文喎!" 彤大嗌文個名, 跑過去

"咦, 你冇事喇? 仲諗住去醫院探你添, 我整左d粥呀, 仲有d熱湯... 拎去啦, 冇野既我走先啦.. 返學..." 文比左d野食彤, 就即刻走左喇, 彤想講聲多謝都趕唔切..

"睇落佢鍾意你喎~" 華特登玩彤

"你都白痴~ 繼續行啦.." 彤好嬲咁講

其實文既性格都唔錯, 可惜.......... (遲d會講)

好快就去到彤屋企.. 一入到去.. 華就係到彈三彈四.

"嘩~你屋企超細呀.." 華好大聲咁講

"唔係丫.. 放底d野先啦, 之後走喇~" 彤好尷尬

"睇唔睇得你間房呀?" 華好奇咁問

"唔得! 飲d咩呀你想?" 彤問華

"是但啦" 華係到裝下彤間房

彤入左去廚房拎杯水比華飲, 一出到黎見到華訓左係自己張床到, 訓著左..

"喂~" 彤好細力咁推下華, 好細聲咁叫下佢, 華都係冇咩反應

佢訓覺個樣都幾得意架, 彤望左一陣, 心諗: 都就食晚飯啦..今晚我整先!! 哈哈!

幾個鐘頭後, 彤入房睇下華醒左未, 見到華一早已經醒左, 仲睇緊電視添~

"嘩, 乜你醒左嫁喇? 我唔知既~ 就食得飯啦~ 今晚我煮喎~" 彤好驕傲咁講

"你張床好香呀@_@ 唔想離開你張床~ 哈哈" 華玩弄彤, "我咪毒死囉會比你~" 華懷疑咁講

"咁你唔食就算啦.. 你自己搞掂~我食!" 彤好無奈咁走番入廚房..

華即刻落床, 跟彤入左廚房.

"喂, 聽日返唔返學呀你.." 華企左係廚房門口, 好奇咁問彤

"得掛.. 喂~ 我細佬今晚點呀?" 彤叉起條腰咁問華

"我工人照顧佢.. 唔洗驚喎~" 華叫彤放心

"好野~ 食得啦, 你真係唔食?" 彤再一次問華

"講笑咋.. 你煮幾難食我都食晒佢!" 華好認真咁講

嘩, 佢咁講咩意思呢?? 彤即刻面都紅晒

一路食飯, 佢地仲一路傾計~ 彤開始唔再憎華啦~ 仲覺得大家彼此互相了解左d~ 但當彤問起華既家人, 華既態度就360轉變..

"都話左唔好提我屋企人囉!" 華好嬲咁講, 之後衝左入彤間房, lock左門..

彤果陣好驚訝.. 佢估唔到問起華d屋企人會有咁大反應.. 呢一餐晚飯食得好難受... 得返佢自己一個人食...

過左一陣, 華仲未出黎.. 彤好想走去睇下華有冇事, 但佢唔敢, 驚華再次發惡.. 有得佢一個人靜靜地...而彤呢... 今晚就要訓龐喇 =0=""

彤估唔到今晚竟然得佢同華一個人係屋企@@ 不過當華鬧完彤之後, 佢覺得, 就算佢地而家係同一間屋入面, 個距離仲係好遠......

彤根本訓唔著... 未到天光已經起左身整早餐.... 仲換埋校服... 佢等到六點半... 華終於都出黎...

"sorry呀,, 琴晚既事~ 我冇心架..." 彤好抱歉咁同華講sorry

"唔緊要, 我自己亂發脾傻姐.. 咦.. 你琴晚係邊到訓?" 華問彤

"sofa囉" 彤回答華

"哦-.- sorry~ 琴晚訓左你張床.. 幾香呀你張床!" 華笑著同彤講, 彤見到佢個笑容~ 都知華已經冇事喇

"食早餐返學啦快d~ 我整左早餐..." 彤準備緊早餐

"講真,, 你琴晚d野真係好難食........" 華笑著說

"咁唔好食囉=_= 你自己話食既" 彤有點嬲

華已經食緊彤整既早餐喇, 唔知佢覺得好唔好味呢?

過左10分鐘左右, 華就食晒佢果份早餐, 而彤只係食左一半

"嘩, 食得咁快?" 彤好驚訝咁問華

"係丫~ 你整架嘛~ 夠鐘啦~ 唔好食啦.. 行喇~" 華拎起彤個書包~ 之後開門..

一路上, 彤都同華有講有笑, 好似對情侶咁, 彤好希望呢一刻可以停留..

返到學校門口, 彤聽到有幾個女仔係到講佢是非..

女同學甲 "嘩~ 條姣婆又溝仔喇, 睇唔睇到?"
女同學乙 "唉... 冇d自知之明~ 條仔咁好.. 條女個樣..."
女同學丙 "我覺得條女幾令丫!"
女同學甲 "作死你呀, 令鬼?"

彤聽到好嬲... 話佢姣婆? 一齊返學就係溝仔嫁啦咩? 忽然佢feel到有人拉住佢, 走去果三個女仔到.. 原來係華@@

"佢係我女朋友咁又點? 唔慣氣呀你?" 華好直咁同果三個女仔講, 仲拖住彤隻手~

彤果一刻真係勁甜啦! 又warm~ xp

"咁你d taste都好差囉, 起碼我好過佢啦.." 女同學A說

"我唔覺啵, 佢起碼靚過你十條街啦.. 豬扒!" 華反串佢, 女同學A嚇到冇聲出, 彤就係隔離係到笑, 果三個女仔就走左喇

"真係丫, 有人咁講話我聽呀...." 華對住彤講

係呢個時候, 文出現, 見到晒所有既野..... 彤唔想文誤會, 就推開華, 跑去追文...

第五章 = 難忘的一天

彤好無奈咁答應左文, 但文個樣就好甜, 好開心, 而華呢, 當然嬲爆爆啦

"喂, 唔好咁啦..." 彤拉住華既衫角, 苦苦咁哀佢

"你不如試下比我同其他女仔扮拍拖丫" 華好惡咁話佢, 推開佢

"做咩推人姐, 成日打人" 彤忍唔住話佢

"sorry囉" 華條氣頂唔順

"彤...上堂啦" 文拖住彤隻手

"唔好拖啦..." 彤同文講.. 之後望一望華, 華見到更加嬲

"又話做我一日女朋友.. 拖都唔比... 拍拖唔係咁架咩?!" 文笑著問彤

文個笑容好甜, 好warm..

"咁鍾意拖咪拖爆佢囉, 我走啦, 冇心情返學" 華拎起個書包, 就走左, 彤想追都追唔到

"唉... 文呀.. 今次比你玩死" 彤望住華既背影..

"呢個真係我心願黎架..." 文好情深咁望住佢

"ok啦...上堂lu~ 小息傾" 彤放開手, 走入班房

一路上堂, 彤就諗緊同華既野

*小息*

"老婆仔!!" 文突然好大力咁拍彤個膊頭

"喂,傻左咩,咁大聲,比人聽到唔好呀! 我地玩咋!" 彤好緊張咁,望下周圍有冇人

"陪我落去後花園..." 文要求

"好呀~" 彤答應

"拖手得唔得呀?" 文靠向彤既膊頭說

"唔好啦..." 彤拒絕

"哦... 咁算啦...." 文好失望

*後花園*

"生日快樂呀!" 彤笑著同文講

"多謝, 不如而家去行街囉" 文問彤

"下...而家? 上堂喎..." 彤問文

"怕咩呀... 哈哈.. 行啦" 文拉住彤既手, 一齊跑出去學校正門..

女同學A "嘩~條姣婆又有新仔啦?!....唉...真係丫...."
女同學B "咪係, 自己本身條仔咁令仔~ 又唔珍惜..."

彤聽到呢D真係好唔開心.... 不過.. 解釋又冇用....

佢地首先去食野, 文嗌左個情侶餐, 彤都冇say no... 照食! 食完文話想睇戲, 彤就陪左佢去睇一場愛情戲

*戲院*

"我覺得我地咁做好似唔係咁好呀" 彤有d唔好意思

"怕咩呀~ 老婆仔~ 冇時間啦~ 快d啦" 文拉住彤去買飛

"你生日, 我請你呀" 彤拎緊錢出黎

"唔得~ 做咩要老婆仔出錢呀?" 文收番埋彤d錢~

"下...." 彤無奈

"你陪我已經好好嫁喇, 睇完戲我帶你同阿媽去食飯!" 文好興奮

"下! 同你阿媽食飯 " 彤好大反應, 好緊張咁問, 好多人望住佢

"細聲d啦~ 梗係要帶老婆比阿媽睇架~" 文笑著講

彤果一刻心諗, 佢覺得文真係當左彤係佢真正女朋友... 但彤個心, 其實一直諗緊華~ 想知佢而家點....

*2個鐘後*

"套戲好悶呀~" 彤伸懶腰

"係囉," 文回應, "等陣先, 打比我媽" 文個手提好靚呀

-15 mins後-

"我阿媽而家黎車我地呀~" 文同彤講

"唔係掛... 我去去廁所先" 彤好緊張, 即刻入廁所打扮

"我咁樣OK嗎??" 彤好緊張, 不斷補粉

"老婆你靚晒!" 文笑著說

冇幾耐, 佢阿媽就黎左啦, 佢阿媽好高貴

"HI.. AUNTIE.." 彤好細聲咁講

"HELLO! 你係文個女朋友呀?" AUNTIE 笑笑口咁問

彤唔知點答佢好... "下...?"

"係呀, 媽咪~ 可唔可以車我地去山頂?" 文同佢媽咪講

"OK~"

*一路上, 佢地3個人都冇出聲, 聽到既只係風聲*
*到目的地*

"玩得開心D啦, 拜拜~" AUNTIE 笑著說

"你做咩帶我黎呢到呀?" 彤問文

"因為我想有一個難忘既生日..." 文忽然變得好感慨, 突然從後攬住彤

"做咩變到咁感慨?!" 彤試著推開文, 但文攬得佢好實

"冇呀" 文回答

"你生日都冇蛋糕..." 彤問文

"有你就得喇" 文好溫柔咁係彤耳邊講

呢一刻彤個心好WARM呀, 不過.... 華又點呢?

"你睇下,日落啦" 文指住個天

日落真係好靚.....好靚...不過好短暫....

"I LOVE YOU!" 文突然同彤講

彤個心即係卜卜跳, 成身好熱.....

"哦...." 彤回應, 佢個心... 開始有少少動搖.... 究竟... 係華.. 還是文?

"多謝你陪我成日..." 文放手

"唔洗..." 彤尷尬

文送左彤返屋企, 一路上佢地都冇野傾......

"我到喇~ 拜拜~ 聽日見" 彤揮手

"小心D... 記得保重呀" 文依依不捨...

返到屋企, 彤心諗: 究竟係點呢, 華 / 文? 文好溫柔....呀 唔係, 我唔可以咁諗, 我愛
既係華, 我要專一!

彤心諗...沖涼, 之後打比華先!!
重有架!!!!!!

好好睇丫=)"

十卜"

愛情童話～糖 寫到:好好睇丫=)"

十卜"

我都覺得好好睇,唔知係唔係比你影響我鍾意左睇愛情小說><

第六章 = 意外

"DO..DO..DO..你所打既電話暫時未能接通..." 彤打比華, 但佢電話唔通...

"去左邊呀..." 彤好擔心, 不斷打電話比華

"各~各~各" 有人敲門, "入黎呀" 彤叫

"家姐~" 強跑去攬住家姐

"點呀 細佬~" 彤最錫係佢細佬

"華哥哥叫我比封信你.." 強比左封信彤

彤好心急, 即刻開黎睇

信內容:

"""""""""""""""""""""""""""""""""""""""""""""""""""""""""""""""""""""

大小姐... 去完街喇? 好唔好玩呢... 不過我諗你一定好開心啦...

因為可以同文一齊喎... 你唔會搵到我嫁喇... 我亦唔番學.... 總之

你保重啦.... 我想講... 係你應承文果刻... 我好想打文囉.....

華字

"""""""""""""""""""""""""""""""""""""""""""""""""""""""""""""""""""""

彤睇完之後好嬲, 問強 "佢幾時比你架呢封信?!"

"放學囉" 強講

"冇理由, 佢早走架" 彤好嬲, "你係咪講大話呀" 彤好惡咁問強

"唔係呀, 我冇呀!" 強喊住咁解釋

"咁而家點好.." 彤自己問自己..

彤打去華屋企, 佢阿媽話佢未返..

"媽~我出去一陣.." 彤換完衫就趕出去

咁大地方, 邊到搵好....

忽然, 佢見到一個好似華既人, 坐左係電話亭入面, 彤跑去睇, 真係華..

彤走去攬住佢, 問 "做咩坐係到呀? 仲有呀, 做咩封信咁講呀!!! 我好擔心架"

華冷冷咁望一望彤, 推開佢 "山頂好玩啦?"

"..........你點知...?" 彤好驚訝

"你梗係唔想我知啦" 華好嬲, 打左彤一巴, "賤人!"

彤係到喊, "我真係鍾意你架, 我同佢扮咋,呢個係佢生日願望呀,你咁都唔明"

華冷冷回答 "賤人"

彤愈喊愈大聲, "你好野, 我都話左係同佢慶祝你又唔信"

"大家唔好見面啦!" 華好惡咁講

"點解你份人要咁, 你唔好亂講, 我清白架" 彤打左華一巴

"清白洗乜解釋呀" 華推彤

"你次次都要打人, 同你一齊我好驚囉" 彤忍唔住出口

"你終於肯講啦? 賤人!" 華呢次推彤推得好大力, 彤唔小心向後跌, 跌出馬路, 忽然有架車經過

"?!!!!!!!!" 好大聲既巨響

"呀..好痛..." 彤好辛苦咁講

"你...有..冇...事..." 一把好弱既聲音..

彤拎左頭... 原來係華, 華推開左彤, 自己比車撞到!

"華!!! 你頂住呀!! 唔好有事呀!!" 彤大哭, 即刻跑去電話亭打電話報警

"你忍住呀, 唔好有事呀, 我咩都聽晒你話!!" 彤失控

"唔好喊.... 傻婆..." 強個嘴流血, 頭又流血...

"你唔好有事呀... 係我衰, 我唔應該同你鬧交..." 彤自責

救護車黎lu.. 佢地兩個都送入醫院.... 一路上... 彤不斷喊... 一直捉住華隻手... 而華曾經一度失去心跳......

第七章 = 命運

華即刻被送入急診室, 護士解釋, 華係為左度彤而被車撞到, 隔左一陣華被推入手術室, 彤一直喊, 華屋企人趕到....

"點解會咁....你害死我個仔!!" 華媽咪好激動咁講, "冷靜d啦..." 華爸爸好冷靜咁講,攬住佢媽咪

"對唔住呀......" 彤喊到收唔到聲... 一片沉默.... 聽到既只係四周既搶救聲...

隔左大約1小時...手術室既燈熄左, 醫生都出左黎

"醫生, 佢點呀? 係咪好嚴重呀? 嗚嗚..." 彤哭成淚人

"好不幸, 佢咁岩度你果陣比架車撞正左胸.... 我諗大約35%可以好返.." 醫生失望咁講, 華被護士推入深切治療部, 彤一直跟住佢..

"要幾多錢唔係問題, 一定要醫好佢!" 華媽咪喊住講

"我想去見下佢, 得唔得呀?" 彤哭泣

"可以, 不過唔好太耐..." 講完, 醫生就走左

*深切治療*

"對唔住呀...嗚嗚...你唔好有事呀..." 彤一路喊一路同華講

"傻.....女....我...愛....你" 華帶住氧氣睪, 好辛苦咁講

"你唔好有事呀...." 彤係呢一刻失晒控, 不斷打個床邊

"相..愛...分隔...都...唔..怕.." 華摸住彤個頭, 安慰佢.... "我..會..守護...你...."

枉事就好似爆炸咁係心入面爆炸, 雖然佢地成為情侶只有一日...

"唔好..唔好..." 彤喊住, 捉住華隻手

"我....間房...有...本...日記....比...你....架....傻..豬...好..好..生活..落...去...搵一...個.......自己....真..正..愛既.....人" 華好辛苦咁講

"我只係唔想你有事呀, 傻佬, 你明唔明姐!" 彤好激動咁講

"我...好..累.....我...想..見...媽.." 華個樣青晒

"好....我陣間再黎睇你.....堅強呀...." 彤喊住望住佢, 放開手............ 呢一刻........... 好心痛, 會唔會係最後一次掂佢隻手....?

"do-----do-----" ............ 彤行出病房果一刻............. 佢拎轉身, 就見到華笑著咁訓係病床到, 合上眼睛...

"華!!!!!!!" 彤哭得好激動, 走過去不斷拍醒叫, 叫醒佢... 而係呢個時候, 華媽咪睇到彤既聲音就衝左入去, 企係一邊...

"點解你.....嗚嗚.......對唔住.......我..愛你...醒下...好唔好..." 彤推住華個身體

"仔......." 華媽咪忍住哭

"我愛你" 彤好細聲係華耳邊講, 但可惜佢已經聽唔到....



(OH no,好慘呀)T^T<--我

第八章 = Until I get over you

深夜, 四周一片寧靜, 醫院比人既感覺真係好恐怖.... 白色一片.. 聽到既係哭泣聲, 歡笑聲, 儀器發出既 do-do 聲..

"你返去啦... 聽日仲要返學..." 華媽媽僥受喪子之痛, 當然比彤痛苦10倍...

"但係...." 彤真係唔捨得離開華

"我聽朝送本日記去你學校... 你走啦...." 華媽媽哭著說

"auntie... 對唔住呀......" 彤喊出黎

"唔係.... 唔關你事....." 華媽媽亦喊左出黎, "係阿仔11歲果年, 我帶佢去算命.. 個算命佬已經話佢只有16歲命...."

彤呆望華媽媽...

"當時我聽到都好似你而家個反應咁, 呆左一下... 所以我用盡所有方法令到阿仔唔會受傷害....但係....." 華媽媽接著說

彤冇出聲, 一片沉默......

"你走啦...." 華媽媽轉身... 彤呆一呆.... 轉身.... 行出醫院...

彤覺得, 成個人都亂晒.... 好多回憶.... 好多事... 好似一場惡夢..... 但佢喊唔出.... 原來人到左傷心盡頭, 真係會喊唔出..... 定係.... 佢覺得華講得岩? ---- 縱使相愛, 分開都唔怕

返到屋企, 彤即刻衝入房.... 咩都唔理.... 訓上張床到.... 大哭一場.... 睡著了

第二日朝早.... 彤冇咩心機, 呆滯.....

"家姐..." 強哭著說

"做咩喊呀..." 彤見到強喊, 就忍住眼淚, 令佢想起華

"我好掛住華哥哥............嗚嗚嗚.......我想見佢........" 強攬住家姐喊

"傻仔....黎架.....唔好喊......" 但彤已經哭得好勁

"家姐..... 點解華哥哥會....." 強嗚咽著

"都係家姐唔好...... 唔好喊, 快d換衫返學, 好唔好?! " 彤攬住強, 故作堅強

*學校*

一入校園, 好多人都望住彤....

男同學A: 唉, 陰公啦..... 冇左條仔....
女同學A: 抵死
男同學B: 唔好咁講啦你地, 佢好慘嫁喇....

呢個時候.... 文突然係彤後面跑出黎...

"你地可唔可以唔好咁多事! 走!" 文鬧果三個同學

彤從來未見過文發嬲個樣... 真係好恐怖....

".....多..謝" 彤低頭說

"以後有人蝦你話我知...." 文望一望彤, 就走左

上堂既時候, 彤冇專心過... 一直望住窗口....

"嘩! 有隻飛蛾呀!" 某同學大叫, 彤係呢個時候望過去

"會唔會係華呀?" 另一位同學胡說

隻飛蛾飛左去彤果邊, 飛左去佢枝筆到, 之後停左

"係咪你呀...我好掛住你呀....傻豬..." 彤忍住唔喊

其中一個女同學喊左出黎...

"你醒下啦, 隻飛蛾黎架, 點會係華呀?" 文好惡咁講

"彤呀....唔好咁啦...." 某女同學說

"我知係你黎架.... 我好掛住你呀... 我有好多野想同你講呀....嗚嗚.." 彤喊到收唔到聲

"呢位同學, 去洗手間冷靜一下..." 連老師都忍唔住講

"我陪你" 文拉左彤出去

"放手呀,如果唔係你,華就唔會咁呀!" 彤好激動咁推開文, 哭住咁鬧佢

"佢而家都死左啦, 你仲想點呀!" 文問彤... "接受現實, 點解唔肯去面對, 仲沉醉係你個夢入面呀!" 文打左彤一巴.... "醒下呀! 我要打醒你!"

"你唔好掂我呀!" 彤哭著說

"你點解唔可以面對現實呀, 人都死左, 唔通你跟住去死呀?" 文直接問彤

"你唔好理我呀, 係你累死佢...." 彤埋怨

"你要幾時先醒呀? 隻飛蛾走左啦! " 文問彤

"唔關你事呀! 你走呀!" 彤喊到收唔到聲....

＊＊彤： 心好痛, 好掛住華......... 呢一刻... 真係好辛苦...... 究竟.... 痛苦幾時先會完?? 開心既日子又幾時黎....

快樂既日子, 係當我失去華之後就唔會再黎

忽然諗起一首英交歌.....
(如果想要手歌就去winMX打Christina Milian就得啦)

Woke up today thinking of you 今天醒來, 我正在想你....
Another night that I made my way through 另一個難行的晚上, 我要獨自走....
So many dreams still left in my mind 很多夢還剩留左我的腦海中,
But they can never come true 可是那些夢不能再實現,,,,
I press rewind and remember when 我按 "rewind" 這個按鈕, 還記得,
I close my eyes and I'm with you again 我合上了眼睛, 我又再次跟你一起
But in the end I can still feel the pain, every time I hear your name
但在最後, 我仍然能夠感覺到那痛楚, 在每一次我聽到你的名字的時候


The sun won't shine since you went away 你離開以後, 太陽不再閃耀
Seems like the rains falling every day 好像每天都在下雨
There is just one heart, where there once was two 那兒有一顆心, 曾經有兩顆心變作一顆
But that is the way it's gotta be, 可是, 那段路將會是,
until i get over you 直至我能忘記你

Walked through the park, in the evening air 在傍晚時份經過公園,
I heard a voice and I thought you were there 我聽到大把聲音, 我以為你在
I run away but I just can't escape 我跑開, 但我不能逃走
Memories of you everywhere 所有你的記憶都在四周
They say that time will dry the tears 人們說, 時間會乾涸眼淚
But true love burns for a thousand years 但真愛燃燒一千年
Give my tomorrows for one yesterday 給我明天, 為一個昨天
Just to know that I could have you here 給我知道你在這兒


When will this river of tears stop falling 淚河, 何時才會停止流動
Where can I run so I wont feel alone 我要跑到耶兒, 才令我不感寂寞?

Can't walk away when the pain keeps calling 當痛苦一直叫我, 我不能再離開
just gotta take it from here on my own 我只能一個承受承受痛苦
But it's so hard to let go 但是, 很難放開你

第九章 = 星星的承諾

華離開第二日, 彤既心情仲好低落, 好掛住華..

"各--各---" 有人敲門

"邊個呀........." 彤冇力氣講野..

"阿媽呀..." 彤媽咪講

"哦哦..." 彤走去開門...

一開門, 見到媽咪拎住一本野...

"有個女人叫我比你架...." 媽咪交本野彤... 彤接過... 望一望媽咪....

"睇完早d訓喇...聽日放假陪媽咪好唔好呀?" 媽咪笑著問

"哦哦....好呀..." 彤講完, 媽咪就出返去

彤坐係床上, 聽住華最愛聽既歌... 打開本野... 係華本日記...

---------------------------------------------------------------------------------------------------------------

9月1日~ 開學日

唉, 陰公, 一開學比我撞到個8婆丫
不過佢又幾靚女既, 只不過把口臭左d姐
我唔小心打到佢囉, 唉~ 我唔岩喇~
仲要無啦啦流血喎佢條裙~
哈哈, 瘀死佢~ 死m怪丫...
聽日笑下佢先!

--------------------------------------------------------------------------------------------------------------

9月2日~

m怪一入到班房~ 我就大叫 "m怪" 哈哈~
勁笑... 同佢嘈囉... 比人罰.... 唉~
不過算啦, 玩到佢已經好開心
抵死丫, 同我一齊比人罰

--------------------------------------------------------------------------------------------------------------

9月3日

死啦, 今日打波打中左佢= ="
又係我錯= = sorry呀
不過佢係去醫院果陣係咁叫我唔好離開佢...
嗯.......係咪....咩呢....正傻婆黎...

--------------------------------------------------------------------------------------------------------------

9月4日

幫佢睇佢細佬~ 佢細佬幾得意~ 仲講左好多關於m怪既野~
算啦, 唔叫佢做m怪喇... 哈哈... 好可愛呀..
放學去左探佢... wow... 識得鬧人... 冇事啦即係...
傻婆黎架... 有冇人同你講.. 你傻得黎好得意丫?

--------------------------------------------------------------------------------------------------------------

彤睇到呢一到, 真係忍唔住喊左出黎....

世事就係咁, 相愛真係好難.....

枉枉唔可以同自己心愛既人起埋一齊,

原本可以開開心心一齊陪住大家,

但係點解, 要剩返一個人?

只有華一個先可以填補彤孤單,寂寞既心,

但偏偏, 個天搶走左彤最愛既人...

好似玩捉迷藏, 但永遠都唔會搵到華...

究竟華而家點? 彤個心好痛.... 失去左最愛既人......

今日唔知明日事, 點解彤唔珍惜華.....

學懂了一句~~~~~

"never go to bed and mad at someone, because you will never know what is going to be happened with that person"

"你唔係話會比100%幸福我架咩....傻佬....嗚..." 彤哭著,攬住佢本日記..

"你而家自己走左....得返我一個....我好辛苦呀...可唔可以話比我知我發緊夢呀....假架...我咩都可以唔要...我只係想要你一個咋....你話比我知你係到呀....." 彤一路喊, 一路打華本日記....

"你知唔知我冇左你都冇咩意思呀....點解要咁對我姐....我寧願你唔好救我...我寧願有事果個係我呀...."

"你點解要呃我話想見你媽咪呀...嗚...傻佬...快d返呀..."

"我整早餐, 你係咪想食呀... 你又話鍾意食我d早餐...."

彤真係好唔開心.....隻飛蛾...佢忽然諗起隻飛蛾...

想想下, 彤望上天, 一邊哭, 一邊望下天上既星星

d人話, 離開左既人會變成星星, 個人愈好, 顆星就會愈光..

邊一粒係最光呢? 華係咪係果到望緊彤呀?

有一個女孩每一晚都會望上天, 睇下見唔見到自己深愛既人

"華..我應承你, 我會好好生活落去...." 彤對住最光那顆星星, 許下承諾

第十章 = 努力奮鬥
(大結局)
"鈴~~鈴~~鈴~~" 學校個鐘聲響起

"無驚無險~又到三點!!!" 彤笑著說, 一邊執野

"喂~ 去唱K呀?" 女同學甲問彤

"溫書丫~ 會考喇... 仲去玩?!" 彤笑著說

------時間過得好快, 轉眼間又中三升上中五, 華離開左彤都兩年有多------

係呢兩年黎, 經歷左好多野...... 不過好有意義.....

**父母離婚, 爸爸過左加拿大, 再婚~ 生左一個女~ 我有一個 "哎呀" 阿妹~

媽媽就留係我地身邊~ 繼續照顧彤同強仔~

**強仔誤交損友~ 去食丸仔, 差d就要坐監... 幸好亡羊補牢, 得到媽咪一直以黎既支持~成功擺脫班損友...

**同學先後離別... 大家都學識珍惜!

兩年, 真係好快~ 而彤呢? 當然變左個書呆子啦!

"姐姐仔...唔好成日讀書啦! 陪下本少爺啦..." 文笑著說

"嘩, 口花花得你丫... 陣間比敏知道你就死呀!" 彤開玩笑說

"車~ 玩下之嘛~" 文說

冇錯, 呢兩年入面, 彤同文交往多左, 了解深左~ 大家成為好朋友... 而敏呢?? 就係一次辨論比賽到認識阿文, 從而擦左愛火........ 哈哈哈哈

"溫書啦, 喂, 陣間我去探人呀?" 彤問文

"哦哦" 文笑說

證明一樣野, 男女之間, 都可以有純真既友誼~



--------------------------------------------------------------------------------------------------------------

"你點呀?" 彤放下鮮花, 企係華個墓碑前面.... 幫佢輕輕咁抹乾淨個墓碑

"傻佬, 我呢排可能會忙d, 唔會好似以前咁5日黎一次呀...可能要一個星期先黎得一次...." 彤摸住個墓碑說

"而家大家都好好~ 文有女朋友喇... 而強仔就好比心機讀書.... 你媽咪爸爸都好好呀! 我成日去你屋企坐.. 同佢地傾計... 好開心~ 你呢? 你又點呀?"

"我答應過你會好好咁生活落去... 而家我就為我既末來打算緊..."

係呢個時候, 華媽咪黎左

"咦~彤彤~你係到呀?" 華媽媽笑問

"係呀! auntie~你又黎左~" 彤笑著回答

"唔..." 華媽咪望一望華個個墓碑, "阿仔有你呢個女朋友一定好開心, 都兩年喇, 仲成日黎探佢, 同佢傾計....."

"唔........" 彤有點尷尬

"你又咁年輕咁靚女, 講真果句, 無謂浪費時間丫, 我覺得你應該搵一個男朋友...... 我諗華都唔想你單身架........" 華媽咪捉住彤隻手說

"auntie, 我已經搵到我一生最愛既人喇!" 彤有信心地說

"係?! 咁就好喇, 我都放心d.... 始終你係華離開左之後付出左咁多~" 華媽媽安慰地說

"呢個人咪華囉........" 彤微笑

"...你好傻呀, 傻女..." 華媽媽微笑, "但我覺得好開心, 因為你真正愛上佢....."

---------------------------------------------------------------------------------------------------------------

"鈴,鈴..." 電話響起

"喂, 請問係咪關海彤小姐呀?" 一把好陌生既聲音

"係,. 我係, 請問邊位呢?" 彤好奇地問

"我地係XX報紙架, 你被選出為10大女強人之一, 我地想搵你做個訪問...."

------奇怪吧? 現在的彤, 已經係27歲了~ 成為左一個傑出既上市企業管理! 更被選為十大女強人之一........ 時間過得真快... 轉下眼就10年多...

"鈴...鈴..." 手提電話又響起...

"喂~" 彤好忙

"喂..勁啦..女強人..幾時請飲茶呀" 熟悉的聲音-----文

"哈..你又點呀.." 友誼可貴..

"幾好啦...." 文回答

.............
.............
.............
.............

佢地傾左成個下午......

"係時候搵返個人喇你...." 文擔心彤會終身單身

"搵到喇, 不過唔係我身邊咋!" 彤一直冇忘記到華 - 佢一生最愛

----------------------------------------------------------------------------------------------------------------

某晚上-記者會 -

"你被選為十大女強人,有咩成功秘訣呢?" 某記者問

"因為2個人...." 彤回答, "一個係我媽咪, 另一個係我男朋友....."

"我媽咪一直對我不離不棄, 係我最難過果一刻陪住我, 安慰我, 當我失去所愛既時候, 唔係我媽咪, 我諗我冇今日" 彤回答

"咁你男朋友呢?" 記者問


彤笑一笑, 望住天空, 見到一顆好光既星星.......

"因為, 一個承諾.............." 彤望住星星說

"呢個承諾打動左我...." 彤笑一笑說, "佢一直係我心入面!"

呢個時候.... 有隻飛蛾飛左入黎, 停左係彤前面.........

"佢永遠都陪住我, 我要多謝佢...." 彤忍住喊說....

完


(睇左差d就喊啦,如果家冇人,我可能一早喊左出黎lo~真係好感人T^T)<----又係我

太多字........

少女殺手 寫到:太多字........

你既簽名,我嘔呀,比我d fd看到,笑死我啦,佢地會以為你鍾意我,到時...我慘啦= =|||

抵死!!!去自殺呀笨

少女殺手 寫到:抵死!!!去自殺呀笨

我唔識殺呀，你教我呀，最好做比我睇

...........未自殺過.........

少女殺手 寫到:...........未自殺過.........

＝　＝｜｜｜咁你就唔好叫人去自殺啦

.......哦............

自殺都要教.......弱智......

少女殺手 寫到:自殺都要教.......弱智......

係呀，我係弱智呀，我廳日找比呀戀先，叫佢過黎，叫佢過黎串人，無串人ｎ年，好悶．．．．，佢知道一定好ｈａｐｐｙ...

好!!

少女殺手 寫到:好!!

我去整左你既簽名先^~^

整左lo,哈哈

好好睇丫 睇到我喊 我諗 呢個人一定好勁架姐3<

我係傻傻地的"

我一看到愛情小說就會按下去睇下 嘻嘻>v<"

但我自己都有作愛情小說的>3<"